Sahib Qurban oğlu Güləhmədov 8 yanvar 1966-cı ildə Gürcüstanın Bolnisi rayonunun Kəpənəkçi kəndində anadan olmuşdur.

 

Orta təhsilini 1972 – 1982 – ci illərdə Kəpənəkçi kənd orta məktəbində almışdır. 1982-ci ildə orta məktəbi bitirərək S.M.Kirov adına Azərbaycan Dövlət Universitetinin (indiki Bakı Dövlət Universitetinin) biologiya fakültəsinə qəbul olmuşdur. 1989-cu ildə Azərbaycan Dövlət Universitetinin (indiki BDU) Biologiya fakültəsinin əyani şöbəsini adlı təqaüd və fərqlənmə diplomu ilə bitirmişdir. 

 

1990-1993-cü illərdə Rusiya Elmlər Akademiyasının A.Bax adına Biokimya İnstitutunda aspirantura təhsili almışdır. 

Sahib Güləhmədov1994-cü ildə Bakı Dövlət Universitetində müəllim kimi fəaliyyətə başlamışdı.

1995-ci il Biologiya elmləri namizədi (ixtisas: biokimya, bitki fiziologiyası) alimlik dərəcəsi almışdır.

 

Sahib müəllim 1996-cı ildə işlədiyi kafedranın “Baş müəllim”i olmuşdur. 2001-ci ildə isə ona “Dosent” elmi adı verilmişdir.

2003-cü ildə Fransanın Milli Aqronomik Araşdırmalar Mərkəzi (İNRA) onu bu “Mərkəz”də işləməyə dəvət etmişdir. Sahib Güləhmədov dəvəti qəbul edərək ora getmiş və 2007-ci ilədək bu ölkənin Nant şəhərində işləmişdir.

 

2016-cı ildə Biologiya üzrə elmlər doktoru (ixtisas: biotexnologiya) adı almışdır.

 

Aşağıdakı kitabların müəllifidir:

1. Musayev N.A.,Güləhmədov S.Q., Köçərli N.K. Potensiometriyadan kiçik praktikum (dərs vəsaiti). BDU-nun nəşriyyatı. Bakı, 1999. 99səh.
2. Güləhmədov S.Q. Bioloji kimyaya giriş (Dərs vəsaiti). Təhsil PİN nəşriyyatı, Bakı, 2002. 67 səh.
3. Quliyev A.Ə.,T.H.Həsənov, S.Q. Güləhmədov. Bioloji kimya - statika (dərslik) Bakı Dövlət Universitetinin nəşriyyatı. Bakı. 2004. 492 səh.
4. Quliyev A.Ə.,T.H.Həsənov, S.Q. Güləhmədov, S.N.Ömərova. Biokimya və İmmunologiyadan praktikum (dərs vəsaiti) Bakı Dövlət Universitetinin nəş-riyyatı. Bakı. 2005. 275 səh.
5. Nəcəfov M.Q., Güləhmədov S.Q., Abdullayev X.D. “Biologiya” abituriyentlər üçün vəsait. “Kür” nəşriyyatı, Bakı, 1998. 145 səh.
6. Və daha 11 metodiki vəsait.

 

Ailəlidir, 2 oğul övladı var.